Dalibor Savic nýggjur HB-venjari

Í morgun varð greitt, at HB hevði sent danska venjaran Kim Engstrøm til hús, tí gongdin seinastu dystirnar hevur ikki verið nøktandi sambært stórfelagnum í Havn. 

Nú er greitt, at tað verður 42 ára gamli sviin Dalibor Savic, vanliga nevndur Dali, sum verður venjari í HB restina av kappingarárinum.

Dalibor Savic kemur úr einum starvi í næstbestu svensku deildini. 

Nýggi HB-venjarin byrjar beinanvegin í starvinum, og fer at standa á odda fyri liðnum í steypadystinum ímóti AB mikukvøldið.