Jákup á Borg skal bjarga B68

Jákup á Borg er nýggjur B68-venjari.

Felagið á Toftum hevur leitað eftir nýggjum venjara, síðan Øssur Hansen segði seg ur starvið fyri góðari viku síðan, og valið fall á fyrrverandi B36-venjaran.

Á Toftum eru fleiri gamlir kenningar hjá Jákupi á Borg. André Olsen, sum var partur av B36-venjaratoyminum, er hjálparvenjari, og Lukasz Cieslewicz spælir við besta liðnum og er ungdómsvenjari í felagnum. 

Jákup á Borg var venjari í B36 í fleiri ár, áðrenn hann gavst seint í 2020. Í fjør hjálpti hann til í EB/Streymi í eina tíð.

B68, sum liggur aftast í Betri-deildini saman við Skála, byrjaði væl í ár, men er uppsteðgað og hevur bert fimm stig.