Keyptu brúkt klæði fyri 2.900 kr. um dagin

23.05.2022 - 08:32
AktueltSamfelag
Keyptu brúkt klæði fyri 2.900 kr. um dagin
Sølan vaks í endurnýtsluhandlunum hjá Reyða krossi í fjør
Sølan í klædnahandilin hjá Reyða krossi í Stiðjagøtu í Havn setti met í fjør.
 

Fólk eru farin at keypa og brúka nógv fleiri brúkt klæði.

Í hvussu so er seldi endurnýtsluhandilin hjá Reyða krossi í Stiðjagøtu í Havn fyri næstan 2.900 kr. um dagin í fjør.

Sølan setti met í fjør. Selt var fyri eina millión og góðar 239.000 kr.

Í 2020 var selt fyri 866.000 kr. og í 2019 fyri 974.000 kr. 

Barnaklæðir áttu 27 prosent av søluni í fjør.

 

Eisini størri søla á Bryggjubakka

Handilin á Bryggjubakka hevur selt fyri munandi meira í fjør, tá hann seldi fyri 138.000 kr. Í 2020 var sølan 85.000 kr.

Korona gjørdi, at sølan ikki bleiv so stór í 2020 og í fjør.

Bókasølan seldi fyri góðar 160.000 kr. í fjør, sum er nakað meira enn í 2020.

Og endurnýtsluhandilin í Vági seldi fyri 127.500 kr. í fjør, sum er væl meira enn onnur ár.   

 

Jóannes heldur fram

Jóannes Eidesgaard heldur fram sum formaður í Reyða krossi eftir aðalfundin, sum var í gjár.

Torfinn Højgaard er næstformaður, og Mary-Ann Thomsen er kassameistari.

Hinar í nevndini eru Kristianna Winther Poulsen og Súsanna Thomsen.

Bæði Jóannes Eidesgaard og Torfinn Højgaard stóðu fyri vali á aðalfundinum og vóru afturvaldir.

 

Jóannes Eidesgaard heldur fram sum formaður í Reyða Krossi Føroya.

 


 

Er kopiera
Nýggjastu sendingar í ÚV
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750