![](https://www.uf.fo/sites/default/files/styles/myndasavn-width/public/makrelfiskiskapur_0.jpg?itok=HyB9R8D4)
- Tíðindi, mentan og ítróttur
Royna at finna semju um makrelbýtið næsta ár
![](https://kvf.fo/sites/default/files/styles/grein-ovasta-mynd/public/vlcsnap-2022-05-09-15h53m18s516.png?itok=mL_4Y4On)
Tvey samráðingarumfør um makrel vera í juni, 8. og 9.juni og 22. og 23.juni.
Hetta eru fjórða og fimta samráðingarumfar, síðani strandarlondini byrjaðu at samráðast í Havn í september í fjør.
Greitt er, at londini ikki kunnu semjast um býtið í ár.
Nú verður roynt at finna býtið í 2023.
Bretar hava framskundað samráðingarnar
Vanligt hevur verið, at strandarlondini hittast um heystið og tað er so tað, sama um tey eru ósamd.
Men nú hava bretar formansskapin. Og teir leggja stóra áherðslu á at finna semju, nú teir ikki longur eru i ES.
Ósemjan um býtið ger, at nógv meiri makrelur verða fiskaður enn ICES mælir til, tí hvørt landið sær ásetur sær kvotu.
Heildarveiðan 140 prosent í fjør
Í 2020 var heildarveiðan 120 prosent av tilmælinum hjá ICES, og í fjør var hon 140 prosent.
Talan er um ávikavist 182.000 tons og 345.000 tons.
Eftir samráðingarfundin, sum var í mars, segði landsstýrismaðurin í fiskivinnumálum, at hann fór at áseta føroysku makrelkvotuna fyri 2022.
Eftir ráðførslu við Uttanlandsnevndina hjá løgtinginum verður kvotan kunngjørd.
Kvotan er ikki ásett enn.
Miða eftir semju í oktober
Føroyar, Bretland, ES, Grønland, Ísland og Noreg eru við í samráðingunum hjá strandarlondunum um makrel.
Londini miða eftir at fáa semju um makrelbýtið í 2023 í seinasta lagi á ársfundinum í oktober.
Í desember í fjør blivu londini samd um at fiska 795.000 tons av makreli í ár.
Hetta er tað sama, sum ICES mælir til.