Korona: 15 mió. fólk í Shangai skulu vera við hús

Í gjár vóru 11 tilburðir av koronu staðfestir í kinesiska býnum Shanghai. Tað hevur havt við sær, at myndugleikarnir hava givið fólki boð um at lata seg kanna, og í summum økjum er so stórur ivi, at 15 milliónir fólk mugu halda seg við hús.

Í gjár tóku myndugleikarnir stig til at kanna 2,6 milliónir fólk í Minhang-býarpartinum, og har vóru 11 tilburðir staðfestir. Tað hevur fingið myndugleikarnar at geva boð um at kanna fólkið í sjey øðrum býarpørtum.

15 milliónir fólk hava tí fingið boð um at halda seg heima, til kanningarnar eru lidnar.

Verður eingin smitta funnin, sleppa fólk at liva sum vanligt.

Tað er bara ein vika síðani, at fólk í Shanghai aftur kundu liva sum vanligt, eftir korona gjørdi, at býurin læt aftur. Í meira enn tveir mánaðir máttu 25 milliónir fólk halda seg við hús.

Handlar, verksmiðjur, skrivstovur og almenn pláss vóru stongd, skrivar NTB.