- Tíðindi, mentan og ítróttur
Søkja eftir málsviðgerum í staðin fyri sosialráðgevum
Søkja eftir málsviðgerum í staðin fyri sosialráðgevum
Sosialráðgevarafelagið ger vart við støðuna, men eingin sosialráðgevi søkir, sigur leiðarin fyri barnaverndartænastuna í Veks-samstarvinum
Hallbjørg Lamhauge er forkvinna í Sosialráðgevarafelag Føroya.
13.07.2026 - 13:46
Barnaverndartænastur í Eysturoynni og í Norðstreymi hava í fleiri førum søkt eftir málsviðgerum í staðin fyri útbúnum sosialráðgevum til sosialráðgevarastørv.
Hesum finst Sosialráðgevarafelag Føroya at, tí tað kann hava stórar avleiðingar fyri fakligheitina, og í síðsta enda kann tað ganga út yvir børnini, sum málsviðgerðin snýr seg um, sigur Hallbjørg Lamhauge, forkvinna í Sosialráðgevarafelagnum.
Hoyr innslag í útvarpstíðindunum:
13072026_Hallbjorg
At eingin sosialráðgevi søkir, er ein trupulleiki fyri smáu barnaverndartænasturnar. (Savnsmynd)
Sosialráðgevar søkja ikki
Tað er neyðugt at søkja eftir øðrum fólki enn sosialráðgevarum til barnaverndartænasturnar, um tær skulu virka.
Tað sigur leiðarin fyri barnaverndartænastuna í Veks-samstarvinum, Karin Joensen.
Orsøkin er, at eingin sosialráðgevi søkir størvini, og tað er ein trupulleiki fyri smáu barnaverndartænasturnar. Karin Joensen heldur, at tað hevði verið verri ongan at sett, tí trýstið á hini starvsfólkini á deildini verður ovurstórt,. Og fakligheitini stúrir hon ikki fyri, hóast hon hevði viljað havt fleiri sosialráðgevar.
Hon mælir til at endurhugsa barnaverndarøkið.
Barnaverndartænastan hjá kommunala samstarvinum Veks fevnir um Vestmanna-, Eiðis-, Kvívíkar- og Sunda kommunu.
Hoyr samrøðu við Karina Joensen í útvarpstíðindunum:
13072026_Karin_Joensen
Er kopiera
Nýggjastu sendingar í ÚV
Nýggjastu sendingar í SV
