Innflutningurin av olju úr Russlandi vaksin eina helvt

Kina innflutti í mai 55 prosent meira av ráolju úr Russlandi, enn sama mánað í fjør. 

Tað skrivar Reuters.

Hetta hendir samstundis sum fleiri lond í vesturheiminum eftir russisku innrásina í Ukraina hava sett tiltøk í verk móti innflutingi av olju úr Russlandi.

Russland útflytir olju til Kina gjøgnum rørleiðingar, sum ganga gjøgnum Sibiria og Kyrrahavið, og við tangaskipi. 

Í mai útflutti Russland nærum 8,42 millardir tons av olju til Kina, vísa kinesisk hagtøl, sum eru almannakunngjørd í dag.