Álopini í Miðeystri halda fram

Aftur í dag frættist um ógvilslig álop í Miðeystri..

Sambært altjóða miðlum hevur Ísrael bumbað fleiri mál í Libanon, og um somu tíð hava USA og Ísrael í felag framt álop á iranska høvuðsstaðin, Teheran.

Iran hevur svarað aftur við rakettálopum á Katar og Ísrael.

Í Katar eru fólk biðin um at ikki fara frá húsum, nú hóttanarstigið er hækkað.

Myndugleikarnir siga, at øll skulu halda seg innandura, ikki fara út og halda seg burtur frá vindeygum.

Í høvuðsstaðnum Doha sæst svartur roykur, upplýsa tíðindafólk á staðnum fyri AFP-tíðindastovuni.

Í løtuni verða fleiri flógvalond álopin av Iran, nú kríggið í Miðeystri hevur vart í seks dagar.

Flógvalond eru sum lús millum tvær negl, tí amerikanski herurin er til staðar, og hevur herstøðir í hesum londum.

Flógvalondin eru Barain, Katar, Kuvait, Oman, Saudiarabia og Sameindu Arabisku Emiratini.