- Tíðindi, mentan og ítróttur
Samráðingarnar um svenskan og finskan NATO-limaskap halda fram
![](https://kvf.fo/sites/default/files/styles/grein-ovasta-mynd/public/stoltenberg_2.jpg?itok=eZPJYhjf)
Samráðingarnar millum Svøríki, Finnland og Turkaland um svenskan og finskan limaskap í NATO, halda fram í dag, upplýsir finska kringvarpið, YLE.
Jens Stoltenberg, NATO-aðalskrivari, skipar fyri samráðingunum, sum vera í Brússel.
Endamálið við fundinum er at seta meiri ferð á svensku og finsku umsóknina um limaskap í NATO.
Turkaland hevur higartil sett seg upp ímóti,at Svøríki og Finnland fáa limaskap í NATO, og hevur sett fleiri krøv fyri at góðtaka umsóknirnar.
Turkaland krevur, at atlit vera tikin at trygdin hjá Turkalandi, tí turkiski uttanríkisráðharrin, Mevlut Cavusoglu, sigur, at finskur og svenskur limaskapur í NATO hóttir Turkaland.
Turkiski forsetin, Erdogan, sigur, at Turkaland er ímóti svenskum limaskapi í NATO, tí Svøríki stuðlar vápnaðar kurdiskar bólkar.