Verandi steypavinnarin møtir oddaliðnum í landskappingini

20.06.2022 - 20:22

Ítróttur›Fótbóltur

NSÍ, sum vann steypakappingina í fjør, skal spæla ímóti oddaliðnum í landskappingini, KÍ í hálvfinaluni í steypakappingini við kvinnum. EBS/Skála og HB hittast í hinari

Símun Christian Olsen

NSÍ vann steypakappingina í fjør, og í ár hitta tær KÍ í hálvfinalunum

Mynd: FSF

NSÍ, sum vann steypakappingina í fjør, skal spæla ímóti oddaliðnum í landskappingini, KÍ, í hálvfinaluni í steypakappingini í fótbólti við kvinnum.

Tað er greitt eftir lutakastið í 3-2 í kvøld.

Í hinari hálvfinaluni spæla EB/Streymur/Skála og tapandi finalisturin frá í fjør, HB.

NSÍ og EB/Streymur/Skála hava heimavøll í fyrri dystunum, sum verða spældir 10. august, meðan KÍ og HB spæla heima í seinnu hálvfinalunum 15. september.

Drigið varð eisini um, hvør eigur heimvøll í sjálvari finalunu, og tað gjørdist vinnarin av dystinum millum EB/Streym/Skála og HB.

Finalan verður spæld 1. oktober.