Fyrstu myndir frá stjørnukikara vísa 13 milliardir gamlar stjørnuskipanir

Amerikanski rúmdarstovnurin, NASA, hevur almannakunngjørt fyrstu myndina, sum er tikin við James Webb-teleskopinum.

Myndin vísir eina stjørnubreyt, ella rættari fleiri stjørnubreytir, langt, langt burturi, skrivar Ritzau.

Myndin er tikin við infrareyðari tøkni, og hon vísir túsundtals stjørnubreytir. Ongantíð fyrr er mynd tikin av nøkrum so langt burturi.

Fleiri stjørnubreytir á myndunum eru meira enn 13 milliardir ljósár burturi, sambært NASA.

Tað merkir, at tað tekur ljósinum á myndini meira enn 13 milliardir ljósár at ferðast til Jørðina.

Og hetta merkir somuleiðis, at tað, sum er á myndini, er fotograferað, sum tað sá út fyri 13 milliardum árum síðani.

Verkætlanin kostar umleið 10 milliardir krónur, svarandi til umleið 74 milliardir krónur í okkara peningi.

Mett verður, at James Webb-teleskopið kann ferðast í tilsamans 20 ár og taka myndir.