Føroyar ikki við aftur á listanum hjá Time Magazine

Føroyar eru ikki við á listanum hjá Time Magazine við teimum hálvthundrað bestu støðunum í heiminum at ferðast til. Men Grønland er aftur við í ár.

Time Magazine mælir fólki til at fara til næst størsta býin í Grønlandi, Ilulissat.

Keypmannahavn er eisini á listanum hjá Time Magazine.

Í fjør vóru Føroyar á listanum, men tá vóru 100 støð á listanum. Nuuk og Odense vóru eisini við í fjør, og tey eru heldur ikki við í ár. 

Tey, sum lata tíðindi til Time Magazine, koma við uppskotum um bestu støð í heiminum.

Hetta er fjórða árið, at amerikanska tíðarritið ger slíkan lista.