Fyrrverandi ráðgevi hjá Trump dømdur fyri at vanvirða Kongressina

Fyrrverandi, leiðandi strategurin hjá Donald Trump, Steve Bannon, varð í gjár funnin sekur í at vanvirða Kongressina í USA, skriva altjóða miðlar.

Steve Bannon varð funnin sekur, tí at hann ikki vildi vitna fyri nevndini, ið kannar álopið á Kongressina í januar í fjør, har roynt var at forða fyri, at valdið varð avhendað Joe Biden.

Kann verða dømdur fongsul upp í tvey ár

Eitt nevningating við 12 fólkum kom í gjár til ta niðurstøðu, at Bannon er sekur í at hava sýtt fyri at vitna og eisini at lata kanningarnevndini skjøl.

Steve Bannon, ið var leiðandi strategur hjá Trump, hevði ein týðandi leiklut sum ráðgevi, tá ið Donald Trump vann forsetavalið og kom til valdið í USA í 2016.

Dómurin verður sagdur 21. oktober, skrivar BBC. Verður Bannon funnin sekur, kann hann verða dømdur upp í tvey ár í fongsul.