Ukraina og Russland undirskrivað avtalu um kornútflutning

Síðani kríggið byrjaði hava stívliga 20 milliónir tons av korni ligið í korngoymslum í ukrainska býnum, Odesa, og øðrum havnarbýum. Orsøkin er forðingar frá Russlandi. 

Men, nú hava Russland og Ukraina skrivað undir avtalu, sum ger, at korn úr Ukraina nú aftur kann umskipast frá landsins havnum við Svartahavið.

Russiska innrásin í Ukraina trýsti prísin upp

Tað var í gjár, at Antonio Guterres, aðalskrivari í ST, boðaði frá avtaluni á tíðindafundi. Russisku forðingarnar hava elvt til, at prísirnir á hveiti eru farnir nógv upp um allan heimin.

ST hevur, í hesum sambandi, ávarað um eina møguliga, heimsumfatandi matvørukreppu, um ukrainsku havnirnar ikki lata uppaftur. Men longu í gjár sást, at prísurin á korni nú fer niður.

Avtalan, sum nú er komin í lag, kemur menningarlondunum, sum eru á gáttini til ríkishúsagang og heimsins sárbærastu menniskjum til góðar, segði Antonio Guterres.