Apukoppar eru ikki vandamikil sjúka

Tað er sannlíkt, at apukoppar eisini verða staðfestir í Føroyum, sigur Shahin Gaini, professari í infektiónssjúkum:

Sjúkueyðkennini eru fepur og líkjast teimum, sum tá fólk hava krím, men fólk fáa eisini útslett av sjúkuni.

Tað sigur Shahin Gaini, sum leggur aftrat, at apukoppar vanliga ikki eru ein vandamikil sjúka. 

- Enn vita vit lítið um smittuna, men í løtuni er líkt til, at tað eru nakrir ávísir bólkar, ið fáa staðfest apukoppar. Og tað er lítið sannlíkt, at onnur enn tey, sum eru í hesum bólkum, verða smittað:

Síðani 7. mai í ár eru apukoppar staðfestir í fleiri evropeiskum londunum. Í Danmark var fyrsti tilburðurin staðfestur tann 23. mai. 

Shahin Gaini sigur, at hann veit einki um, at nakar hevur fingið staðfest apukoppar í Føroyum. 

Apukoppar - Mynd: Ritzau Scanpix

Apukoppar eru staðfestir í fleiri evropeiskum londum.  Fyrsti tilburðurin í Danmark var staðfestur 23. mai.