Fulltrúi í Undirvísingarstýrinum fyribils skúlastjóri í Vestmanna

Undantaksstøða er í Vestmanna skúla.

Málið um ósemjuna á skúlanum tók í dag nýggja vend, tá skúlastjórin, Alis Jóna Højsted, bleiv sjúkraskrivað.

Hjalmar Hansen, stjóri í Undirvísingarstýrinum, váttar fyri Kringvarpinum, at skúlastjórin fyribils er sjúkraskrivað í tvær vikur.

Undirvísingarstýrið, Nám, Studni, Yrkis depilin, Musikkskúlaskipanin,

Fulltrúi í Undirvísingarstýrinum verður fyribils skúlastjóri í Vestmanna. 

Fulltrúi fyribils skúlastjóri

Varaskúlastjórin, Frígerð Ovadóttir, fekk í gjár eitt ætlanarskriv um uppsøgn, og hon er tí ikki á skúlanum. Av tí at ongin leiðsla er í Vestmanna skúla í løtuni, verður ein fulltrúi í Undirvísingarstýrinum settur sum fyribils skúlastjóri í tvær vikur.

Hjalmar Hansen váttar eisini, at hvørki næmingar ella lærarar hava nakra tímatalvu, nú skúin byrjar aftur í morgin. Hesum arbeiðir Undirvísingarstýrið við nú, og væntandi verða tímatalvur tøkar mánadagin.

Meira verður at frætta um málið í útvarpstíðindunum kl. 18.