FC Keypmannahavn er í Champions League-bólkaspælinum

Teir donsku meistararnir megnaðu í kvøld at fáa ein 0-0 javnleik á útivølli móti turkiska Trabzonspor, og harvið hevur FC Keypmannahavn vunnið seg víðari í Champions League-bólkaspælið. 

Tað er fyrstu ferð síðani 2016, at FCK er í Champions League-bólkaspælinum, og fimtu ferð, at felagið er við í fína selskapinum í evropiskum fótbólti. 

FC Keypmannahavn, FC København, FCK

Við Champions League-luttøkuni fær FCK 200 milliónir krónur í felagskassan. 

Stríðssigur

FC Keypmannahavn hevði eitt gott útgangsstøði til dystin í kvøld, tí danska felagið vann fyrra dystin í Parkini fyri einari viku síðani 2-1.

FC Keypmannahavn, FC København, FCK

Talan bleiv ongantíð talan um serliga gott fótbóltsspæl, tí FCK hevði sett sær fyri ikki at fáa eitt mál ímóti sær, og tað eydnaðist. 

FC Keypmannahavn, FC København, FCK

Tað hevur FCK fyrst og fremst nýggja avstralska málverjanum, roynda Matt Ryan, ið hevur spælt 74 landsdystir fyri Avstralia. Matt Ryan hevði tríggjar framúrskarandi bjargingar, sum vóru avgerandi fyri, at FCK kundi tryggja sær ein 0-0-javnleik. 

FC Keypmannahavn, FC København, FCK

Ovurfegnir leikarar

Leikararnir vóru ovurfegnir eftir dystin. 

"Hetta er ein dreymur, sum gongur út. Hetta er ein tann besta kenslan, ið eg nakrantíð havi havt á mínari yrkisleið," segði FCK-liðskiparin, Carlos Zeca, við TV3+ eftir dystin. 

Besta Champions League-úrslitið hjá FCK var í kappingarárinum 2010/11, tá FCK spældi seg í áttandapartsfinaluna, sum liðið tapti móti Chelsea.

FC Keypmannahavn, FC København, FCK