- Tíðindi, mentan og ítróttur
Føroyameistararnir funnir
![](https://kvf.fo/sites/default/files/styles/grein-ovasta-mynd/public/bogaskjotingokok.jpg?itok=Rjsjqgd2)
Seks føroyameistarar vórðu funnir í bogaskjóting, tá ársins síðsta uttandurakapping var í Havn um vikuskiftið.
Hans Bogi og Sólgerð best í recurve
Hans Bogi Ellefsen úr Vágaskoti vann kappingina í recurve við monnum. Hann vann 6-2 á Hans Peturi Højgaard úr Ørvi í finaluni.
Sólgerð Henriksen úr Vágaskoti skeyt best í recurve við kvinnum, og fór avstað við FM-heitinum eftir 6-2 sigur á Jastrid M. Jensen úr Tambar í finaluni.
Jóannes og Rakul vunnu í compound
Jóannes Poulsen úr Ørvi gjørdist føroyameistari í compound við monnum, tá hann vann 144-138 á Nikkil Petersen somuleiðis úr Ørvi.
Tambar átti FM-vinnaran hjá kvinnum. Rakul Dam vann 132-103 á Helenu við Misá úr Ørvi.
Team Suðurskot fekk ein føroyameistara
Thomas Christensen úr Team Suðurskot, sum varð sett á stovn so seint sum í fjør, fór avstað við FM í Barebow. Hann fekk 307 stig.
Ann Lisa Pedersen úr Tambar vann Barebow við kvinnum við 484 stigum
13 skjúttar luttóku í kappingini.