Vatnorkuframleiðslan fleirfaldað

Vatnorkuframleiðslan fleirfaldað
Streymframleiðslan úr vatni í august mánaði í ár fleirfaldaðist, um samanborið verður við august í fjør og tað, sum er vanligt hesa ársins tíð.
 
17.09.2022 - 16:40

Heili 30 prosent av samlaðu framleiðsluni í august vóru vatnorkuframleiðsla, sigur SEV, ið vísir á, at tað hevur verið nógv meira avfall í august í ár enn í august í fjør.

Í august í fjør kom vatnorkuframleiðslan upp á 1,7 GigaWatt-tímar, men í ár var framleiðslan heilt uppi á 10,5 GigaWatt-tímum, sum er ein hækking upp á yvir 500 prosent.

Vindorkuframleiðslan øktist eisini munandi og stóð í farna mánaði fyri 25 prosentum av samlaðu framleiðsluni, meðan elorka úr biogassi minkaði nakað.

SEV sparir olju
At varandi orkuframleiðslan í august mánaði tilsamans kom upp á góð 55 prosent av samlaðu framleiðsluni, spardi SEV fyri sløk 3.500 tons av olju í mun til august í fjør.

Higartil í ár hevur SEV brúkt 6.800 tons færri av olju enn sama tíðarskeið í fjør.

- Sum tað sær út nú, eru útlitini fyri grønari orkuframleiðslu restina av árinum góð, sigur Heri Mortensen, deildarstjóri fyri framleiðsluna hjá SEV.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585