Smáligt fiskarí hjá nógvum, men brúkiligt hjá nøkrum

Partrolararnir hava framvegis smáligt fiskarí, sigur Fiskamarknaðurin.

Fimm pør eru úti. Øll fiska upsa, men fáa eisini nakað av hvítum fiski, serliga longu. 

Tvey pør liggja við bryggju, men fara vantandi út í næstum.

Allir trolbátarnir liggja.  

Annar djúpvatnstrolarin er á svartkalvaveiðu og hin liggur.

Ein frystitrolari fiskar svartkalva í Grønlandi.

Tvey garnaskip fiska svartkalva. Tey hava brúkiligt fiskarí, sigur Fiskamarknaðurin.

Eitt garnaskip fiskar havtasku. Tað hevur smáligt fiskarí. 

Litil útróður

Um útróður verður sagt, at streymurin er harður, men batnar sum vikan líður. 

Veðrið verður umskiftandi, so nógvur útróður verður ikki.

Útróðrarbátarnir fáa mest av hýsu og nakað av toski.

Trý smá línuskip eru úti. 

Tey fiska mest hýsu, tosk og longu. 

Hini línuskipini liggja.

Tvey frystilínuskip eru við Ísland, og seks eru á ytru leið undir Føroyum.