Takk fyri kamparnar, Gurið

Eftir 34 ár í hondbólti hevur Gurið Krosslá Augustinussen boðað frá, at hon má gevast at spæla hondbólt.

Høgra knæ er farið, og nú Gurið er vorðin 40 ára gomul, heldur hon, at nú er tíð at gevast sum spælari. 

Tað var í dysti móti Stíf á heimavølli næstsíðsta vikuskifti, at Gurið tíðliga í dystinum fekk skaða. 

Gurið Krosslá Augustinussen fór at spæla hondbólt sum seks ára gomul.

Hon hevur verið virkin øll árini og hevur bara spælt við VB í føroysku kappingini, og hóast mongu árini á vøllinum, so kom hesin skaðin illa við.

gurid_fb.jpg

34 ár eru liðin, síðan Gurið fór at spæla hondbólt, og upplivingarnar hava verið nógvar og minningarríkar. Bæði góðar og minni góðar. 

Ein av teimum heilt góðu var, tá ið VB vann greipuna, sigur hon. 

Ein stór fyrimynd

At Gurið Krosslá Augustinussen hevur fingið nógvar vinir øll hondbóltsárini kemur greitt til sjóndar í viðmerkingunum til hennara fráboðan á facebook um at gevast.

Knappliga 400 hava reagerað upp á boðini, og fleiri enn 100 heilsanir eru sendar henni.

Eitt sum er afturvendandi millum mongu boðini er tað, at fólk siga, at hon er ein fyrimynd.

Marjun Falkvard Danberg:

New div after blockquote

Fyrimyndarliga røsk, og tað verður saknur í tær. 

04_gurid_krossla_augustinussen.jpg

Caption: 

Gurið Krosslá Augustinussen var kosin ítróttaFYRIMYNDIN 2020. Mynd: Bjartur Vest

Turið Arge Samuelsen:

New div after blockquote

Takk fyri kampin og títt íkast - kempari sum fá.

Fyri tveimum árum síðan gjørdi 3-2 eitt innslag um Gurið sum fyrimynd, tá ið hon var í uppskoti sum ítróttaFYRIMYNDIN 2020:

Jórun Ludvig:

New div after blockquote

Takk fyri óteljandi nógvar spennandi kampar, fyri at deila kamar á landsliðnum og fyri tín stríðsvilja, tú ert ein fyrimynd.

Og ítróttafagnaðurin 2020, tá ið Gurið Krosslá Augustinussen varð kosin ítróttaFYRIMYNDIN 2020, sæst her.