- Vit mangla røturnar

Tað heldur Sissal Kjartansdóttir Kristiansen, sum seinastu tíðina hevur verið á námsferð kring um í Føroyum, tí hon vil vita meira um slaktið.

Sjálv er hon ikki uppvaksin við seyðahaldi, so hon veit ikki serliga nógv um fletting og upptak, men nú hon sum sniðgevi arbeiðir við ullini, sum hon hevur stóran alsk til, helt hon tað vera neyðugt at vita meira um seyðin eisini.

- Um eg skal brúka ullina, er tað týdningarmikið at eg veit, hvaðan ullin kemur, og fyri at finna út av hesum, má eg tosa við eigaran av seyðinum. Eg kann illa bara hava áhuga fyri skræðuni so at siga, tí eg má vita nakað um allan seyðin, og tað er ein av orsøkunum til, at eg eri farin undir hetta.

sissal_1.jpg

sissal_2.jpg

Málið er at gera eina røð av poddum, sum snúgva seg um henda part av okkara mentan og tosa við nógv ymisk fólk, sum vita eina rúgvu um hetta, hóast tey als ikki nýtast at vera samd fyri tað.

- Eg havi ongantíð havt nakað við seyð at gera, og endamálið hjá mær er at fáa hesa vitan út til teirra, sum kanska hava størri áhuga fyri poddvarpi enn fyri seyðahaldi og slakti.

sissal_3.jpg

sissal_5.jpg

Vit skulu tó bíða eina løtu afturat, áðrenn vit sleppa at hoyra hesar poddar, tí Sissal er ikki meira enn farin í gongd við verkætlanina.

Myndirnar eigur Sissal Kjartansdóttir Kristiansen