Mælir flokkinum frá at stilla uppaftur

Forkvinnan fyri Kristindemokratarnar í Danmark, Marianne Karlsmose, hevur boðað frá, at hon leggur frá sær sum forkvinna í flokkinum, og hon mælir samstundis til, at flokkurin stillar ikki uppaftur á fólkatingsvalinum næstu ferð.

Hon sigur, at hon hevði tikið avgerð um,at leggja frá sær, um flokkurin ikki fekk umboð í fólkatingið, og tað hevur hon nú gjørt.

Kristindemokratarnir fingu 0,52 prosent av atkvøðunum á fólkatingsvalinum. Markið fyri at fáa umboð er tvey prosent.