Bakkafrost-samtakið 234 milliónir í vinningi í triðja ársfjórðingi

Bakkafrost-samtakið hevði 234 mió. kr. í vinningi eftir skatt og virðisreguleringar í triðja ársfjórðingi í ár.

Aligeirin í Føroyum hevði eitt rakstrarúrslit, sum er 444 mió. kr. Men í Skotlandi var hall, 137 mió. kr. 

Lidnu vørurnar góvu 276.000 kr. í avlopi.

Hjá Havsbrún var úrslitið í triðja ársfjórðingi 120 mió. kr.

Laksaprísurin fór niður í helvt í ársfjórðingunum. 

Góð lívfrøðilig gongd

Lívfrøðiliga gongdin í alingini í Føroyum var sera góð í triðja ársfjórðingi eins og í undanfarna, sigur Bakkafrost. 

Lúsatølini vóru metlítil, og fellið var sera lítið.

Í Skotlandi hevur lívfrøðin verið avbjóðandi fyri alingina í hesum ársfjórðinginum. 

Hetta elvdi til stórt felli, størri enn væntað. 

Bakkafrost ætlar at basa fellinum við at seta út størri smolt.