Air Greenland nýtt flogfar fyri 700 milliónir

Nýggja flogfarið hjá Air Greenland kom til Grønlands í gjár.

Flogfarið, eitt Airbus A330-800neo, er spildurnýtt og kostar yvir 700 milliónir krónur.

Tað tekur 305 ferðafólk og byrjar at flúgva millum Kangerlussuaq og Keypmannahavn 19. desember.

Fjórðing minni CO2-útlát

Nýggja flogfarið brúkar 14 prosent minni brennievni enn flogfarið, Air Greenland nú hevur til uttanlandsflúgvingina. CO2-útlátíð er fjórðingin minni. 

Air Greenland kundi keypa eitt fimm ára gamalt flogfar fyri 300 milliónir krónur.

Men nýggja flogfarið er umhvørvisvinarligari, so tí valdi Air Greenland tað.