- Tíðindi, mentan og ítróttur
Nýggju býarbussarnir koyra millum jól og nýggjár
Nýggju býarbussarnir hjá Tórshavnar kommuna verða latnir HZ-bussum í morgin.
Talan er um 15 dieselbussar, sum eru av slagnum IVECO Crossway Low Entry. Bussarnir eru eitt sindur longri enn teir núverandi, og hava pláss fyri 70 ferðandi.
Nýggju bussarnir fara at koyra millum jól og nýggjár. Byrjað verður 27. desember.
El-bussar næsta ár
Um mánaðarskriftið apríl/mai næsta ár, fáa HZ-bussar tveir el-bussar, sum eisini skulu røkja Bussleiðina í Havn.
El-bussarnir fara at koyra á leið 4.
Mett verður, at el-bussarnir kunnu koyra eitt samdøgur í býarkoyringini í Havn upp á eina fulla løðing.
Talan verður í fyrstu syftu um eina royndarætlan, og eydnast hon, verða ætlandi fleiri el-bussar keyptir, sigur Heðin Zachariassen, stjóri í HZ-bussum.
