Heilsutrygd søkir eftir átta kommunulæknum

Heilsutrygd søkir nú aftur eftir kommunulæknum.

Átta størv eru leys at søkja. 

Tey verða sett 1. mars ella eftir nærri avtalu við Heilsutrygd.

Í Suðuroyar læknadømi eru trý størv, tvey á Tvøroyri og eitt í Vági.

Í Skálafjarðar læknadømi eru tvey størv, annað í Heilsudeplinum við Skálafjørðin, sum er  í Runavík, og hitt er fyribils staðsett í viðtaluni á Strondum.

Í Vestmanna læknadømi er eitt starv í Kollafirði.

Í Suðurstreymoyar læknadømi eru tvey størv, annað er í Gundadali og hitt í Miðlon.

Umsóknarfreistin er til mikudagin 18. januar á middegi.