Hybrid-bilar skulu nú rinda meirvirðisgjald

Hybrid og plug-in hybridbilar skulu rinda mvg. 

Tað ætlar landsstýrið.

Aksel V. Johannesen, løgmaður, segði við FM1 í gjár, at lógaruppskotið um avgjaldslætta til elbilar verður lagt fyri løgtingið fríggjadagin.

Men hybridbilar og plug-in hybridbilar verða tiknir úr lógini. Tað verður tó ikki fyrr enn 1. juli, sigur løgmaður.

Aksel V. Johannesen, løgmaður, 16:9

Aksel V. Johannesen er løgmaður. (Mynd: Bjarni Árting Rubeksen)

Tilmæli í sambandi við veðurlagspolitikkin

Tá ið seinasta samgonga longdi lógina fyri tveimum árum síðani, var hon broytt soleiðis, at hybridbilar og plug-in hybridbilar eisini komu undir lógina. 

At avgjaldslættin fyri hybrid og plug-in hybridbilar fellur burtur 1. juli í ár, er eftir tilmæli í sambandi við veðurlagspolitikkin, sum Løgtingið hevur samtykt, segði løgmaður við FM1. 

Lógin verður eftir ætlan galdandi við afturvirkandi gildi frá 1. januar, tá hon annars fór úr gildi.