Jensa Tórálvsdóttir til danska fótbólt

Jensa Tórálvsdóttir skiftir úr Víkingi til FC Thy - Thisted Q í bestu donsku fótbóltsdeildini. Tað skrivar Víkingur á facebook. 

Miðvallarin, sum fekk heiðurin sum ársins spælari í fjør, sigur, at umstøðurnar í felagnum eru góðar, og at tað er rætta staðið at menna seg.

 - Eg ætli mær at arbeiða hart, og málið er at klára at spæla meg inn á besta liðið hjá teimum, sigur hon sambært Víkingi.

Jensa Tórálvsdóttir skeyt 23 mál í fjør, so hon verður óivað ein missur fyri liðið úr Eysturkommunu.

FC Thy - Thisted liggur í løtuni á 4. plássi í bestu donsku deildini.

Tríggir greipuvinnarar til royndarvenjing í Svøríki

Óluva A. Joensen, Birita Ryan og Sanna Svarvadal úr KÍ skulu venja við svenska liðnum, IFK Kalmar næstu vikuna, skrivar Norðlýsið. 

IFK Kalmar kappast í bestu svensku deildini, og Jens Wedeborg, sum var venjari hjá KÍ í fjør, er nú høvuðsvenjari har.