Kreppa í flogfeløgum kann koma væl við hjá SAS

Fleiri flogfeløg hava tað trupult fíggjarliga, eftir at tey hava økt um skuld sína í koronaárunum, og nú ikki megna at lofta sær.

Fríggjadagin gavst enska felagið Flybe at flúgva, og í dag boðar norska felagið Flyr frá, at tað hevur eydnast at finna nýggjar íleggjarar, og sagt verður, at tað verður torført at halda fram.

TV2 skrivar, at hesi boðini kunnu koma væl við SAS, sum eisini er rættiliga hart spert fíggjarliga.

Jacob Pedersen, sum er greinari hjá Sydbank, sigur við TV2, at tað serliga er áhugavert hjá SAS, um norska felagið Flyr gevst, tí tað er upplagt hjá SAS at yvirtaka innanríkisflúgvingina hjá hesum felag.

Hann metir tó, at Ryanair eisini fer at brúka orku upp á at yvirtaka ruturnar hjá Flyr, so uppgávan verður ikki løtt, men tað eigur at bera til, sigur hann.