Novo Nordisk hevði 75 milliardir í vinningi í fjør

Heilivágsfyritøkan Novo Nordisk hevði 74,8 milliardir krónur í vinningi í fjør.

Úrslitið setur met, og er 15 prosent betri enn í 2021.

Ársroknskapurin hjá Novo Nordisk var lagdur fram í morgun.

Samlaði umsetningurin hjá Novo Nordisk í 2022 var 177 milliardir krónur.

Insulin

Diabetesheilivágurin eigur framvegis størsta partin av góða úrslitinum hjá Novo Nordisk.

Insulinsølan vaks 11 prosent

Tað er enn sum áður diabetesheilivágur, sum eigur størsta partin av góða úrslitinum hjá Novo Nordisk. Sølan av insulini er vaksin 11 prosent samanborið við 2021, og diabetesheilivágurin GLP-1 er vaksin heili 42 prosent í sølu, stendur í ársroknskapinum.

Novo Nordisk skjýtur upp, at 8 krónur og 15 oyru verða latin í vinningsbýti fyri hvørt partabræv.

Novo Nordisk væntar eisini, at vøksturin heldur fram í ár, og at hann verður millum 13 og 19 prosent, bæði í sølu og rakstri.