Nógvar avlýsingar og broytingar: Smyril siglir av Havnini klokkan 11

Longu nú er nógvur vindur og ringt veður, men sambært forsøgnunum skal veðrið versna út á dagin. 

Hetta fær ávirkan á bæði bygda- og oyggjaleiðirnar, sigur Dánjal Samuelsen, ferðslusamskipari hjá Strandfaraskipum landsins. 

ódnarveður, veðurlíkindi, veðurvánirnar, ringt veður, vánaveður

Smyril fer úr Havn kl. 11

Smyril verður eftir ætlan í Havn klokkan 9, men loysir longu aftur klokkan 11 og ikki klokkan 13, sum annars stendur í ferðaætlanini. 

So verður Smyril lagdur fyri dagin, tá skipið kemur aftur til Trongisvágs.

Tað er enn óvist, hvussu tað verður við siglingini hjá Smyrli í morgin, sigur Dánjal Samuelsen, ferðslusamskipari. 

Hasfjord, ið siglir við farmi á Sandoyarleiðini, siglir ikki í dag, og tað ger Herjolfur, ið siglir við farmi á Suðuroyarleiðini, heldur ikki. 

Bygdaleiðir, bussur, SSL

Nógvar avlýsingar hjá Bygdaleiðum

Bussarnir hjá Bygdaleiðum koyra fyrrapartin, men frá á middegi vera nógvar avlýsingar á flest øllum leiðum, sigur Dánjal Samuelsen. 

Ferðslusamskipari hjá Strandfaraskipum Landsins mælir fólki til at fara inn á heimasíðuna hjá SSL og kunna seg um, hvussu ringa veðrið ávirkar koyringina hjá bussunum hjá Bygdaleiðum. 

SSL avlýsingar