Nýggjur vinnumennari í Klaksvíkar kommunu

Marjun Andreasardóttir er sett í starv sum vinnumennari hjá Klaksvíkar kommunu.

Í samstarvi við vinnu- og mentanarstjóran skal hon arbeiða við at skapa góðar karmar fyri vinnulívið og tryggja tænastur á vinnuøkinum, sum eru á høgum góðskustigi.

Eisini er uppgávan at menna hugskot, sum stuðla undir góðar karmar hjá vinnuni.

Somuleiðis skal vinnumennarin samstarva við nýggja stjóran í Visit Norðoy um at menna ein ferðavinnupolitikk fyri Norðoyggjar.

Marjun Andreasardóttir er útbúgvin “Bachelor of Leisure Management” og hevur royndir frá kommunalpolitiskum arbeiði í Eysturkommunu og hevur eisini verið ferðavinnusamskipari hjá Eysturkommunu.