Ferðavinnuátak í Oyndarfirði

Hósdagin 16. og leygardagin 18. mars skipar Visit Runavík fyri einum ferðavinnuátaki í Oyndarfirði.

Tiltakið er ætlað bæði yngri og eldri, sum búgva í ella hava tilknýti til Oyndafjørð.

Sjóneykan verður hesar dagar sett á nýhugsan, íverksetan, og møguleikar innan ferðavinnuni sum heild í Oyndarfirði og har um leiðir.

Tiltakið, sum er ókeypis, verður báðar dagarnar í skúlanum í Oyndarfirði, men neyðugt er at tekna seg.

Visit Runavík ætlar eisini í næstum at skipa ymisk átøk innan ferðavinnu aðrastaðni í kommununi.