Landslæknin: Heilsutrygdin á Suðuroyar ellis- og røktarheimi er ikki í lagi

8. november í fjør var landslæknin og gjørdi fráboðað eftirlit í Suðuroyar ellis- og røktarheimi.

Metingin hjá landslæknanum er, at stórir trupulleikar viðvíkjandi heilsutrygdini hjá teimum, sum búgva í heiminum, standast av, at heilivágshandfaringin er ikki í lagi og heldur ikki leiðbeining um lívsleingjandi viðgerð.

Eftirlitið var fyri at kanna, um boðini, sum heimið fekk frá landslæknanum 24.apríl í fjør, kundu strikast.

Niðurstøðan var, at tað kundu tey ikki, og í síðstu viku komu so nøkur boð aftrat.

Boðini 24.apríl vóru at tryggja reglubundnar, systematiskar, sjúkrarøktarfakligar metingar, at sjúkrabøkur verða skrivaðar nóg væl, og at kunnað verður um samtykki, áðrenn tey verða fingin. 

Les alla frágreiðingina frá landslæknanum her.