Annar vil hava fleiri valdømi - hin vil varðveita galdandi skipan

Einaferð vóru Edmund Joensen og Bjarni Djurholm á einum máli um, hvussu nógv valdømi skuldu vera í landinum. 

Í dag vil annar teirra fara aftur til skipanina við fleiri valdømum, meðan hin fegnast um skipanina við einum valdømi fyri alt landið. 

Bjarni Djurholm heldur, at skipanin hevur ikki bara verið ein vansi fyri eini betri umboðan fyri alt landið, men at hon eisini hevur skapt veikari flokkar. 

Edmund Joensen, sum tá var løgtingsformaður, legði vegna formansskapin uppskotið um eitt valdømi fyri tingið í 2007.

Tað var samtykt við 19 atkvøðum fyri og 13 ímóti.

16 ár seinni er Edmund Joensen framvegis sannførdur um, at eitt valdømi eigur sín lut av góðu gongdini í samfelagnum.

Sí innslag í Degi og viku: