Russland vísir vesturlendskum friðarætlanum aftur

Russiski uttanríkisráðharrin, Sergej Lavrov, vísir aftur øllum ætlanum hjá Vesturheiminum um frið í Ukraina.

Tað boðaði hann frá á fundi í ST-trygdarráðnum í New York í gjár.

Lavrov segði, at ukrainsku deildirnar eru fullkomiliga miseydnaðar á hermótinum, og ukrainska verjan er ikki før fyri at vinna á Russlandi.

Hann segði eisini, at Russland altíð er til reiðar at samráðast um frið, men ein og hvør friðarætlan frá Ukraina og Vesturheiminum ger, at kríggið fer at vara longur. 

Hetta kallar amerikanska umboðið í ST-trygdarráðnum, Robert Wood, fyri rangar upplýsingar.

- Imperialistisku málini hjá Russlandi er opinberlig. Fyri Russland er einasta loysn, at Ukraina fullkomiliga gevur seg upp í hendurnar á Russlandi, segði Robert Wood, sum tvíheldur um, at kríggið hevði endað í morgin, um Russland tók sínar heldur aftur úr Ukraina.