Svøríki eitt fet nærri NATO

Sviar fingu í morgun boðini um, at landið nú er eitt fet nærri at gerast partur av verjusamgonguni NATO. 

Tí eftir at hava bíðað í hálvtannað ár, góðkendi turkiska tingið í gjárkvøldið, at Svøríki kann fáa NATO-limaskap.

Góðkenningin gevur eina lítla vón, men sviar eru hóast tað tilvitaðir um, at vegurin inn í NATO kann verða langur, sigur Anna Gaarslev, tíðindakvinna hjá danska kringvarpinum í Evropa:

Svøríki og Nato, Erdogan, Stoltenberg og Kristersson

Nógvar royndir hava verið gjørdar at fáa Turkaland at góðtaka svenskan Nato-limaskap. Henda myndin er frá Nato-toppfundinum í fjør, tá Jens Stoltenberg, aðalskrivari og Ulf Kristersson, forsætisráðharri, høvdu fund við turkiskan forsetan, Erdogan.  (Savnsmynd: Ritzau Scanpix)

Ein annar stórur spurningur í Svøríki er Ungarn. Tí Ungarn er nú einasta landið, sum framvegis ikki hevur góðkent Svøríki sum land nummar 32 í NATO

Forsætisráharrin í Ungarn, Viktor Orban, bjóðaði í gjár svenska forsætisráðharranum, Ulf Kristerson, á vitjan, har teir báðir kunnu samráðast um svenskan limaskap í NATO.

Hetta dámar svium illa, sigur Anna Gaarslev:

Jens Stoltenberg, aðalskrivari í Nato, fegnast um góðkenningina hjá Turkalandi av svenskum limaskapi í NATO, og mælir Ungarn til at gera tað sama.