Pólland: Nýggja stjórnin fer at loyva fosturtøku

Donald Tusk, sum herfyri tók við sum forsætisráðharri í Póllandi, fer at broyta strongu lógirnar um fosturtøku í landinum.

- Vit eru til reiðar at leggja uppskot fyri tjóðartingið um lógliga og trygga fosturtøku til 12. viku, segði Tusk í gjár.

Hann legði aftrat, at semja er ikki í stjórnini, sum er mannað við trimum flokkum, m.a. kristin-konservativa flokkinum Triði vegurin.

Tusk ætlar at leggja fram uppskot um, at kvinnur kunna keypa fosturtøkutablettir uttan ávísing frá lækna. 

Í 2021 setti konservativa stjórnin í gildi strangar lógir um fosturtøku.

Síðani hava so at sita øll sløg av fosturtøku verið bannað í Póllandi.