Biit: Súrligar nætur eru vaknaðar úr dvala

Eiga vit at siga Fríðrikur ella Frederik, tá ið vit tosa um okkara nýggja kong? Tað er eitt av evnunum í nýggjasta partinum av Súrligum nætrum, sum er aftur á skrá eftir ein langan jólasteðg.

Súrligar nætur er ein útvarpssending, har trý ung tosa um tað, sum rørir seg í Føroyum og Danmark.

Tey viðgera evni, sum ung tosa sínámillum, viðgera ymiskt, tey hava sæð á netinum, og so halda tey seg ikki aftur við at prika til hvønn annan og onnur. 

Bárður Petersen, David Thomassen og Rannvør Fríða Eyðunsdóttir leggja til rættis.

Parturin hesaferð  snýr seg um monarki, ótrúskap og einsemi.

Tú kanst hoyra triðja partin her.