Færri vera smittað nú

Líka nógv vera ikki smittað nú sum fyrr í vetur.

Nýggjastu tølini frá rannsóknarstovuni hjá Sjúkrahúsverkinum vísa, at smittutølini fyri kikhosta, koronu og Mycoplasma Pneumoniae eru minkandi.

Kortini verður heitt á fólk um at vera varin, sigur Fólkaheilsustýrið.

Mycoplasma Pneumoniae er ein bakteriuígerð. 

Sjúkutekinini líkjast beinkrími við ógvusligum, turrum hosta, møði, høvuðpínu og ilt í hálsinum. 

Tey flestu hava fepur, men hann er ikki so høgur sum við vanligum lungnabruna og beinkrími, og tí verður sjúkan ofta rópt kaldur lungnabruni. 

Kikhostafarsótt

Sjúkan víkir frá vanligum lungnabruna við tað, at hon er sera langdrigin og kann vara í tríggjar-fýra vikur.

Seinastu fýra mánaðirnar eru 45 kikhostatilburðir staðfestir.

Tí er talan um eina farsótt, sigur Fólkaheilsustýrið.

Tilmælið haðani er tí framvegis at verja børn yngri enn tvey ár fyri smittu og vera serliga ansin við børnum, sum ikki eru liðugt koppsett.

Korona og kaldur lungnabruni hava ikki verið verri enn onnur ár.