ST-serfrøðingur sleppur ikki til Ísraels

13.02.2024 - 09:24
AktueltÚtheimurin
ST-serfrøðingur sleppur ikki til Ísraels
Ísrael krevur, at Francesca Albanese verður søgd úr starvi, um ST framvegis vil vera ein viðkomandi felagsskapur
Francesca Albanese er serligt ST-sendifólk fyri hersettu palestinsku økini. (Mynd: National Rewiew).
 

Stjórnin í Ísrael sigur, at serligi ST-serfrøðingurin, Francesca Albanese, breiðir út jødahatur, og hevur tí alment fingið innferðarforboð til Ísraels.

Orsøkin er, at Albanese í síðstu viku skrivaði í boðum á X um offrini í álopinum á Ísrael og yvirgangsálopini 7. oktober í fjør. 

Hon skrivaði, at tey vóru ikki bara dripin, tí tey vóru jødar, men 'sum aftursvar til ísraelsku kúganina'.

Albanese er serligt ST-sendifólk fyri hersettu palestinsku økini. 

 

Ræðulig boð

Ísraelski uttanríkisráðharrin, Israel Katz, og innanríkisráðharrin, Moshe Arbel, siga, at boðini hjá Albanese eru ræðulig, og at hon nú hevur fingið innferðforboð til Ísrael.

Teir krevja eisini, at Albanese verður søgd úr starvi, um ST framvegis vil vera 'ein viðkomandi felagsskapur'.

Blaðið Times of Israel skrivar, at Albanese í fleiri mánaðir ikki hevur fingið innferðarloyvi til Ísraels. 

Sjálv skrivar Albanese í nýggjum boðum á X, at síðani 2008 hava eingir ST-serfrøðingar í palesinsku økjunum fingið innferðarloyvi til Ísrael.

- Hetta má ikki flyta okkum burtur frá ræðuleikunum hjá Ísrael í Gasageiranum, skrivar hon.

Er kopiera
Nýggjastu sendingar í ÚV
Mánadag 4. mars
Skaldsligt orðasmíð
171593
Mánadag 4. mars
Morgunlestur mánadagur 4. mars 2024
171532
Sunnudag 3. mars
Guðstænasta í Miðvágs kirkju
171555
Leygardag 2. mars
Jambalaja 020324
171544
Nýggjastu sendingar í SV
Sunnudag 3. mars
Guðstænasta úr Miðvágs kirkju
171556
Fríggjadag 1. mars
Veðrið
171531
Fríggjadag 1. mars
Veðrið
171519
Hósdag 29. februar
Fólksins rødd: Um veðrið (1:4)
171415
Mikudag 28. februar
Hondbóltur: Luksemburg - Føroyar
171389