Sást tú hólmgonguna millum forfólkavalevnini í Føroya Pedagogfelag?

Valevnini til forfólkasessin í Føroya Pedagogfelag vóru í hólmgongu í Breddanum, sum varð stroymdur. Til ber tískil eisini at síggja hólmgonguna her á heimasíðuni

Sanna á Løgmansbø, valevni, og Jógvan Philbrow, sitandi formaður í Føroya Pedagogfelag

Mynd: Bjarni Árting Rubeksen

Netvarp

14.02.2024 - 13:23

Tað verður ein eitt sindur meira spennandi aðalfundur enn vanligt, tá limirnir hjá Føroya Pedagogfelag 2. mars savnast á Hotel Føroyum til aðalfund felagsins.

Fyri fyrstu ferð í níggju ár eru fleiri um boðið til sessin sum forfólk í einum av størstu fakfeløgum í landinum.

Teir 2.000 limirnir hjá Pedagogfelagnum skulu nevniliga tær næstu vikurnar velja millum formannin síðsti níggu árini, Jógvan Philbrow, ella avbjóðaran Sannu á Løgmansbø.

Seinast fleiri vóru um boðið var í 2015, tá Jógvan Philbrow, sum tá var nevndarlimur, bjóðaði táverandi forkvinnuni, Maud Wang Hansen av.

Valevnini til forfólkasessin í Føroya Pedagogfelag vóru í hólmgongu í Breddanum, sum verður stroymdur. Til ber tískíl at síggja hólmgonguna her.

20240213_NET_FORFOLKAVAL_FOROYA_PEDAGOGFELAG

Valið í Føroya Pedagogfelag er talgilt, og limirnir felagsins kunnu longu nú velja. Seinasta freist at greiða atkvøðu á middegi 1. mars.

Úrslitini verða kunngjørd á aðalfundinum 2. mars.