Málið Um Estoniu verður ikki tikið uppaftur

Ákæruvaldið í Svøríki boðar frá, at kanningararbeiðið í sambandi við, at ferjan Estonia í 1994 sakk, verður ikki tikið uppaftur.

- Grundað á tað, sum er komið fram í arbeiðnum hjá ákæruvaldinum, er einki, sum bendir á, at samanstoytur hevur verið við eitt annað skip ella flótandi lut, og heldur eingin spreinging frammi í gron. Heldur ongar aðrar ábendingar eru komnar frá nøkrum, sum geva okkum orsøk til at halda, at her er talan um brotsverk, sigur svenski ríkisadvokaturin, Karolina Wieslander, í tíðindaskrivi.

852 fólk druknaðu, tá ið Estonia sakk í Eystrasalti um náttina 28. september 1994.

Ferjan var á veg úr Tallin til Stokkholm. 

137 fólk vóru bjargað.