Biden væntar vápnahvíld í Gasa í næstu viku

Amerikanski forsetin, Joe Biden, hevur vónir um vápnahvíld í Gasa í næstu viku.

- Mínir trygdarráðgevar siga mær, at vit nærkast einari vápnahvíld, sigur Biden, sum sambært tíðindastovuni Reuters nevnir mánadagin 4. mars sum dagin, tá Ísrael og Hamas leggja vápnini, í øllum førum fyribils.

Leygardagin samtykti ísraelska stjórnin at loyva samráðingarfólki at fara til Katar at samráðast um vápnahvíld.

Partur av hesum samráðingum er at fáa latið leys tey, sum Hamas hevur hildið sum gíslar, siðani álopið á Ísrael 7. oktober í fjør.