Russland og Saudiarabia skerja oljuframleiðsluna

Russland og Saudiarabia minka oljuframleiðsluna til í summar.

Russland minkar framleiðsluna hálva millión tunnur um dagin í øðrum ársfjórðingi í ár, sigur russiska stjórin. 

Endamálið er at hækka prísin.

Skerjingin er avtalað millum orkusameind hjá Russlandi í Opec, sum er felagsskapur fyri lond, ið framleiða olju, har Saudiarabia hevur formansskapin.

"Leingja sjálvbodna skerjing"

Í gjár kunngjørdi saudiarabiska oljumálaráðið, at landið fer at "leingja sjálvbodnu skerjingina, sum er ein millión tunnur um dagin, ið var sett í gildi í juli 2023, og sum skuldi galda til annan ársfjórðing í 2024."

Niðurskurðurin í oljuframleiðsluni hjá Russlandi kemur aftrat skerjingum frammanundan hjá heimins størstu oljuframleiðarum, sum hava minkað framleiðslu og útflutning av olju, skrivar tíðindastovan AFP.

Endamálið er at trýsta prísin upp í eini tíð við búskaparligari óvissu.

Russland stendur á odda fyri bólkinum av Opec-sameindum, sum verður nevndur Opec+.