Danska verjan missir fólk

Danska verjan hevur ilt við at varðveita starvsfólkini.

Í fjør søgdu 1.605 fólk seg úr starvi hjá donsku verjuni, vísa nýggj tøl hjá starvsfólkastýrinum í verjumálaráðnum.

- Sum støðan er, hópa hernaðarligu uppgávurnar seg upp, og Danmark megnar ikki at loysa tær, um verjan ikki hevur nóg mikið av herfólki, sigur Peter Viggo Jacobsen, lektari á danska verjuakademinum.

Vantandi starvsfólk er ikki einasti trupulleikin hjá donsku verjuni.

Nýggju sjóverjuskip

Nýggj verjuskip skulu eisini byggjast í staðin fyri tey fýra gomlu skipini í Thetis-klassanum hjá sjóverjuni.

Tað boðaði danski verjumálaráðharrin, Troels Lund Poulsen, frá fyrr í mánaðinum.

Thetis-klassin umfatar m.a. verjuskipini, sum sigla við Grønland og Føroyar. Teirra uppgáva er at verja sjóumveldið hjá Danmark - ella suverænitetshævdelse, sum danir kalla tað.

Skipini eru 30 ára gomul, og tey eru ikki før fyri loysa verjuuppgávurnar, sum Danmark hevur bundið seg til í samstarvi við Nato.