Tveir menn skuldsettir fyri innbrot í FK í Klaksvík

Løgreglan arbeiðir við málinum um innbrotið í FK í Klaksvík, og tveir menn eru skuldsettir. 

Tað var undir kanningunum, at løgreglan fekk illgruna til menninar, sum eru skuldsettir, men ikki varðhaldsfongslaðir. 

Løgreglan hevur tryggjað spor, sum t.d videoupptøkur og annað, og arbeitt verður nú við at kanna og gjøgnumganga hesi sporini, sigur Kári Jacobsen, leiðari á kanningardeildini hjá løgregluni. 

Í gjár heitti løgreglan fólk á fólk um at venda sær til sín, um tey vistu nakað um innbrotið í FK í Klaksvík. 

Kanningararbeiðið hjá løgregluni vísti, at annar maðurin var í eini málaradrakt. Tí heitir løgreglan á fólk, sum hava sæð nakað illgrunasamt við slíkari drakt, um at venda sær til løgregluna.