Eyka býráðfundur í Hvalba í næstu viku

Ein arbeiðsbólkur, sum hevur arbeitt við at kanna vansar og fyrimunir við samanlegging av kommununum í Suðuroyar norðaru helvt, legði í marsmánaði fram álitið “fyrimunir og vansar við kommunusamanlegging" í hvørjari bygd og býi sær. Arbeiðsbólkurin legði álitið fram og handaði borgarstjórum og kommunustýrislimum tað.

Niðurstøðan hjá arbeiðsbólkinum er, at mælt verður til, at Fámjins-, Tvøroyrar- og Hvalbiar kommunur leggja saman.

Leggja tær tríggjar kommunurnar saman, fara umleið 2.500 fólk at búgva í kommununi, og hon verður fjórðstørsta í landinum.