- Hví liggja tær og filma seg sjálvar hjá gynækologi?

Diana Reynstind er serlækni í kvinnusjúkum, og hon sigur tað vera týdningarmikið at seta seg inn í tað, sum hevur við kvinnuheilsu at gera, áðrenn tú trýrt øllum, tú sært á sosialum miðlum.

Tað, hon sipar til í hesum føri, eru sjónbandabrot á TikTok, har ungar kvinnur filma seg sjálvar, meðan tær fáa spiral, ella snyril, settan upp. Kvinnurnar hava, at síggja til, nógva pínu, og hetta hevur loypt hvøkk á nógv av teimum, sum hava sæð hesi brot.

- Um hesar kvinnur ikki hava fingið at vita, at tú fært ilt av tí, so er tað keðiligt, men eg haldi, at man skal hugsa um tað, sum liggur aftanfyri. Hví vilja tær síggjast, hví vilja tær filmast, tá tær liggja hjá gynækologi, sigur hon.

Spiralur er nógv brúktur sum fyribyrging og kann setast upp av kommunulækna ella á sjúkrahúsinum. Hann situr í nógv ár, so sjálvt um tað er pínufult eina løtu, so hevur hann sínar fyrimunir. 

Hoyr samrøðu við serfrøðingin her: